സീസണ് മുന്നോടിയായുള്ള പരിശീലന എൽക്ലാസക്കോയിൽ റയൽ മാഡ്രിഡിനെ തകർത്ത് ചിരവൈരികളായ ബാഴ്സലോണ. എതിരില്ലാത്ത മൂന്ന് ഗോളിനാണ് ബാഴ്സലോണയുടെ ജയം. ടെക്സസിൽ നടന്ന മത്സരത്തിൽ ഒസ്മാൻ ഡെംബലേ, ഫെർമിൻ ലോപ്പസ് മാർട്ടിൻ, ഫെറാൻ ടോറസ് എന്നിവരാണ് ബാഴ്സലോണയുടെ ഗോളുകൾ നേടിയത്.
ഗോളി ടെർസ്റ്റഗന്റെ മികച്ച സേവുകളാണ് ബാഴ്സലോണയ്ക്ക് ക്ലീൻ ഷീറ്റ് നൽകിയത്. റയൽ ഗോളെന്ന് ഉറപ്പിച്ച നാല് ഷോട്ടുകളാണ് ടെർസ്റ്റഗൻ തട്ടിയകറ്റിയത്. വിനിഷ്യസ് ജൂനിയർ പെനാൽറ്റി പാഴാക്കിയതും റയലിന് തിരിച്ചടിയായി.
റയൽ അടുത്ത മത്സരത്തിൽ യുവന്റസിനെയും ബാഴ്സലോണ , എ സി മിലാനേയും നേരിടും.
0 അഭിപ്രായങ്ങള്‍