കണ്ണൂർ: കേരള പ്രീമിയർ ലീഗ് ഫുട്ബോളിൽ കേരള യുണൈറ്റഡ് ചാമ്പ്യൻമാരായി. ഫൈനലിൽ സാറ്റ് തിരൂരിനെ ഒന്നിനെതിരെ മൂന്ന് ഗോളിന് തോൽപിച്ചാണ് കേരള യുണൈറ്റഡ് കിരീടം നിലനിർത്തിയത്. നിശ്ചിത സമയം മുഴുവൻ ഒരുഗോളിന് പിന്നിലായിരുന്ന കേരള യുണൈറ്റഡ് ഇഞ്ചുറി ടൈമിൽ മൂന്ന് ഗോൾ നേടിയാണ് സാറ്റ് തിരൂരിന്റെ സ്വപ്നങ്ങൾ തകർത്തത്.
അൻപതാം മിനിറ്റിൽ യദു കൃഷ്ണയിലൂടെയാണ് സാറ്റ് മുന്നിലെത്തിയത്. 90 മിനിറ്റും ലീഡ് നിലനിർത്തിയോടെ സാറ്റ് കിരീടപ്രതീക്ഷയിലായിരുന്നു. ഇഞ്ചുറി ടൈമിന്റെ മൂന്നാം മിനിറ്റിൽ കിട്ടിയ പെനാൽറ്റിയിലൂടെ ലാൽസീം ചോംഗ്ലോയ് കേരള യുണൈറ്റഡിനെ ഒപ്പമെത്തിച്ചു. കളിയുടെ അവസാന നിമിഷങ്ങളിൽ ലിങ്കിയുടെയും മുഹീബിന്റെയും ഗോളുകൾ കേരള യുണൈറ്റഡിന്റെ തുടർച്ചയായ രണ്ടാം കിരീടത്തിലേക്ക് നയിച്ചു.
0 അഭിപ്രായങ്ങള്‍